Maurits Reul sjtadsprins va Kirchroa

Name: Damezietsóng
Start: 2026-02-01
End: 2026-02-01
Location: Rodahal

MAURITS I, SJTADSPRINS KIRCHROA 2026

Bij de prinseproklamatsiejoeën van

d’r Kirchröatsjer Vasteloavendsverain “Alaaf Kirchroa 1936” óp zóndieg d’r 4^de jannewaar óp d’r Maat i Kirchroa is d’r heer

MAURITS REUL

oes-jeróffe als 80^ste sjtadsprins va Kirchroa.

Maurits Reul (24), zoon van d’r Michèl Reul en ’t Vivian Reul-Augenbroe, woeënt i Kirchroa – tsentroem in de Prins Bernardsjtroas 8, woa óch zieng prinslieje reziedens is.
Tsezame mit zieng famillieë, vrundin en vrung jeet d’r Maurits I als nui hoeëgheet va Kirchroa de kómmende wèche de tent óp d’r kop zetse en wilt e de sjtad 3 daag lank losse knalle.

Mit de proklamatsiejoeën kunt inne wónsj oes vuur d’r Maurits, deë breed i zieng famillieë leëft. Ziene opa, d’r Theo Augenbroe, woar ing markante perzeunliegheet binne d’r KVV en d’r Elveroad in ’t bezónger. Zieng oma, ’t Paula, sjtong ummer abzaits van d’r Theo. Hön doater, de mam van d’r nuie prins, is e richtieg verainsmiensj ( gymnastiekverain Balans/in kutsde 120 joar) en d’r Michèl, d’r pap van d’r prins, is dat óch (“Buk hinger de Bruk”). Heë wirkt bij Hajnadi Installatietechniek i Kirchroa en ’t Vivian is lierares en jas-elder. De prinslieje famillieë besjteet wieër oes zieng breur d’r Jean-Paul en d’r Michiel en ’t sjwester Charlotte. De vrundin van d’r sjtadsprins is ’t Marit en kunt oes Vlijmen.

D’r Maurits I sjtoedeert geneeskunde i Mastrich en is zier sjportlieg aajelaad. Mit roeje, badminton en motorvare vult e zieng sjpaarzame tsiet i. Doaneëver wirkt heë in de horeca (Dé Wieëtsjaf) woa e jenauw weest wie heë e sjpetsiejel beersje an d’r kónd verkeuft. Heë is aktief in d’r vuursjtand (KBC ’67) en is vuural inne deë jeer ónger de lu is. Vasteloavend viere (mit famillieë en vrung) is vuur d’r Maurits ainfach jezaad inne “must”.

D’r Maurits I is “sjtoots wie Oscar” dat e d’r nuie sjtadsprins va Kirchroa is woeëde en d’r preziedent d’r Walter Sterk vuurziet alvas dat “d’r Maurits de kómmende wèche alling mar jeet jenisse en hat alle vertrouwe dri dat heë doabij jidderinne bij dat fes jeet betrekke.”

D’r waal en woape-sjpróch van d’r Maurits I is:

Vier mit miech mit

Tsezame hank i hank

Vasteloavend i Kirchroa

Is e fes va kluur en klank

Zóndieg d’r 18^de jannewaar kan me vanaaf 15.11 oer d’r nuie sjtadsprins jratelere bij d’r Prinse-emfank in de Rodahal.

Kirchroa,

4 jannewaar 2026